Ons overbuurman was bakker Menko van der Sluus trouwt mit Geertje.
een vrouw met een vuurrooie kop dei de klanten ien de winkel hielp as
Sluuske,
zo neumde mien moeke de bakker mit stoetkörf langs sien klanten ging.
Geertje har maaistal een vuurrooie kop om dat half Noordheurn bie heur op de
houk
stonden vlak veur de winkel van Menko en Geertje, dikke verhoal’n te
vertell’n.
De krinkjespijers stonden letterlijk en figuurlijk veur alle roamen van heur
hoes,
tot grote aargernis van Geertje dei den weer de veger pakte om heur stroatje
weer
schoon te kriegen……
’t Was haarfstdag en d’r stond een dikke wiend moar naait kold.
Voak ging ik den even snouken bie Mokkenburg, veural as ’t zuk roeg weer
was.
Ik zag Menko mit sien stoetkörf schoeven op sien fiets en zette sien handel
tegen een lut boomke an, toun d’r bie de Wieringoa’s probeerde wat stoetjes
te sliet’n.
Of ik biet har of dat de wiend in aain keer zo tekeer ging, waait ik naait
meer, moar
ik keek woar ‘Sluuske’ bleef en aain keer zag ik de heule fietse mit de körf
vol stoet’n
de sloot ien goan…….
Sluuske laaip al naait zo best en kwam hinkelnd noar mie tou of ik hom
help’n wol….
Schipsloot bij de Mokkenburg
Wat mie opvuil dat hij naait tekeer ging as een slootwaarker moar mit ‘t
haile kakkie
weer noar hoes ging veur neie stoet’n. Sluuske was naait zo gauw benauwd,
bleek loater.
Toun de melkrieder Jan Drenth terugkwam vanof Griepskerk met sien twei
zwarte peerden
sloug ’t haile span bie Cafe Giezen op hol . Ik zaai ze nog ankommen met
veul gekletter van
iezer op de stroat en ien vol galop kwamen ze richting de Nijstroat……..
De peerden konden de bocht naait kriegen en vlogen bie ons over het
troittoir en vuilen as spantje tegen de vlakte. ’t Was een roar gezicht
schoembekkend lagen ze doar, twei zwarte peerden hailendal ien thoes mit de
leidsels. Er was gaain mens dei
ien de buurt duurfde te kommen. Plotsklaps stond ‘Sluuske” in sien
bakkerstenue mit
een lang mes bie de peerden en sneed de haile boudel lös. Ienmiddels was ok
Jan Drenth
weer bie bov’n woater en hijgde nog meer as sien peerd’n. Toun ’t haile spul
weer oet thoes
was kon Jan Drenth noar de Achterweg, wat tegenwoordig geleuf ik
Oosterweg hait….
Jan Drenth woonde noast ’t kleuterschoultje van juffrouw Zaagman.
As je over de Achterweg fietsten en keek ien de roamen van Jan Drenth zag je
allaain moar vouten ien de lucht. Moeke en Martje Drenth hadd’n altied
vouten op toafel.
Dezelfde lokoatie woar Sluuske sien bakkerij har was ok veur olle
Noordhörners
een pleisterploats……
Steevast kwam Haanje Brilstroa mit Orend Overkamp (de opa van Tineke) heur
herinneringen
wat ophoalen…….
Oarend Overkamp har een zak onder aarm; mien moeke dei net even an ’t stroat
vegen was, zag dat de zak bewoog. “Wat heb joe doar wel ien die zak”, vruig
ze?
“Och een knien dei ik slacht’n mot zodoadelijk” en ging op de zak zitten,
bie “Sluuske”
ien de vensterbank…….
Ien dezelfde bocht bie bakker Menko en Geertje kwamen ien de baaitencampagne
veul vrachtwoagens laangs dei allemoal mossen terugschoakelen omdat de
Langestroat
aaigenlijk een oetloper was van de Hondrug en as je terploatse kieken zaai
je ’t hoogete-
verschil richting de meulen…..
Mien kameroadje ien dei tied was o.a. Meerten Schuitemoa zeun van olle Jan
Schuitemoa
en Martje, dei een stelmoakerij har noast dikke Sijtse de Vries de
fietsmoaker.
Meerten was een klaain ventje maar was lenig as een oap en klom bie de
geringe
snelheid van de baaitenwoagen aan de achterkant bie de netten omhoog en
gooide
de baaiten erof zoveul d’r kon.
Dei verkochten wie s’middoags weer an van de Kloet een klaain boertje ien de
Moushörn.
Dat waren onze buuscenten om karbid te kopen veur Ollejoarsdag……
Verhalenvandestamtafel's Blog 
Plaats een reactie